"GALIZIA" É UN TOPÓNIMO FICTICIO QUE ESCOLLÍN PARA ESTE BLOG, COMO SÍMBOLO DA MIÑA ABSOLUTA INDEPENDENCIA DE IDEOLOXÍAS E TENDENCIAS E AO MESMO TEMPO COMO COMPROMISO CA MIÑA TERRA E COS MEUS PAISANOS E CONCIDADÁNS, COMPROMISO COS QUE LOITAN A PESARES DAS CIRCUNSTANCIAS, COMPROMISO COS QUE TIVERON QUE MARCHAR, E UNHA HOMENAXE AOS QUE DESGRACIADAMENTE XA NON ESTÁN.

viernes, 31 de diciembre de 2010

GALIZIA E OS FILLOS DE MATUSALEM.....

Hai pouco tempo vin unha película de ciencia ficción que se chamaba "FILLOS DOS HOMES" protagonizada por Clive Owen, na que describía o terrible escenario dunha sociedade moribunda e sen esperanza na xa non nacían nenos.

A sociedade Galega leva demasiado tempo en declive, envellecida, moribunda e sen esperanza, vivindo nun círculo kármico pechado de crise eterna , sen espazo para a renovación xeneracional, abandoada a súa sorte, sen posibilidades de retorno, sen xente nova con pulo para loitar, sen obxectivos, sen ideas, sen perspectivas, sen futuro.

Os síntomas e as consecuencias levámolas sufrindo dende hai décadas e xamáis chegaron nin chegarán as soluccións: unha emigración escandalosa promovida, aceptada e estimulada por acción ou omisión, que tivo como consecuencia o envellecemento crónico e o despoboamento irreversible das nosas vilas e pobos e a ausencia de relevo xeneracional. A falla persistente de oportunidades laborais/personais/culturais/sociais/científicas/etc..., a fuga de profesionais con alta cualificación, uns niveis culturais vengoñantes moi por debaixo das medias da O.C.D.E. ao mantér articialmente ao pobo galego na máis completa ignorancia, unha precariedade galopante a tódolos niveis e sectores, a inexistencia dunha verdadeira economía galega, o inmovilismo e parálise sistémica así como a corrupción consentida e o abuso persistente das minorías privilexiadas, a eliminación sistemática da maioría de estacións e paradas ferroviarias "non rendibles" deixando incomunicados vilas e pobos do interior, tendo en conta que o  tren en Galizia a duras penas chegou a  vertebrar as comunicacións entre o rural e as áreas urbanas, desaparición das liñas de autobus que percorrían Galizia por inexistencia de clientes, o peche colexios e garderías por falla de nenos, a privatización, redución e degradación salvaxe dos servizos públicos sanitarios/sociais/etc.., o etnocidio consentido do noso patrimonio cultural e tradicións ao favorecer con subvencións o abandono de explotacións e non estimular alternativas de futuro, asi como a falla crónica de inversións que provocaron o retroceso dos sectores primarios da agricultura e pesca, actitudes políticas de gran desapego á hora de defender os intereses reais da sociedade galega, nula inversión en I+D+I, políticas populistas baseadas no clientelismo, no favoritismo, no amiguismo, na corrupción institucional, no caciquismo disfrazado de modernidade, na dedocracia e na xerontocracia.

Temos agora máis que nunca, unha mocidade sen futuro, unha mocidade que herdou unha situación moito peor que a dos nosos pais, cun presente de incerto horizonte e moi escuras perspectivas. Terán que escoger entre a emigración ou  levar ás costas unha depauperada vida, nunha sociedade máis conflictiva e inxusta, con menos dereitos sociais, con maiores impostos e peores servizos, cos perxuizos das privatizacións salvaxes, coa desfiscalización dos poderosos e o poder político/financiero concentrado en poucas mans como nunca se vira antes na historia. Cun paro xuvenil cercano ao 80%, Galizia continuará exportando xente nova formada, e a maioría dos que se queden nin siquera poderán incorporarse á clase media, nin disfrutar duns niveis dignos de consumo ou contar coas mínimas politicas sociais que disfrutaron os seus pais, nunha área do mundo caracterizada pola escaseza de economía productiva, a falla de reparto do traballo, a redución da protección social, e o aumento das desigualdades, dentro dun insolidario mercado global dirixido por unha panda de indesexables e cos seus acólitos, os políticos de turno, que xa non representan máis que a eles mesmos.

Eu pregúntome? Que fixeron os galegos da xeración anterior? Que fixeron os nosos pais? Ou mellor dito, que non fixeron?  Penso que a resposta é ben clara: simplemente os galegos vendéronse barato outra vez máis seguindo "as políticas do eucalipto", do pan para hoxe e fame para mañá, metendo a merda debaixo da alfombra a ver se os problemas desaparecen por arte de maxia. Seguindo a política do "que se fodan....": que se fodan os veciños, que se fodan os do pobo do lado, que se fodan os da outra cidade, que se fodan os da outra provincia, que se foda ó que perdeu o traballo, que se foda o que ten menos oportunidades, que se foda o que está fodido, é o final fodémonos todos con tanta mala ostia, tanto egoismo paleto, tanta ignorancia comunitaria, tanta pasividade conformista e conservadora, tanta cortoplacismo e corrupción minifundista e complacente. Seguindo a política de "eso non é asunto meu....", a política de desentenderse de tódolos  problemas, de pasar absolutamente de todo, "de mirar para outro lado" namentres non me afecte a mín, a mentalidade galega de "non meterse en problemas alléos......" de  "non protestar...." polo que é inxusto, a mentalidade de " non loitar polo que merece a pena.....", nin siquera si me beneficia a mín ou aos meus fillos, pesando que no futuro as cousas estarán mellor por sí solas, pero non facendo nada para mellorar nada, e non facendo nada para defender o conseguido.  E agora temos o resultado cuasi-irreversible que nos deixaron os nosos pais, que podemos ver e ler tódolos días na presa, e nada máis cabe pensar salvo que temos en Galizia o que  nos merecemos:


NOTAS DE PRENSA 


         Como resultado do anterior, os galegos temos a seguinte "HERDANZA":



        • O SECTOR DE I+D+I EN GALIZIA.- ., é prácticamente inexistente en Galizia. A emigración de xente nova con alta formación e cualificación é unha realidade que se repite xeración tras xeración.

        • O  A.V.E.  EN GALIZIA, (que os galegos a pagaremos durante os próximos 25 anos), valerá para deixarnos "AILLADOS".  LUGO e FERROL NON TERÁN A.V.E.  Seremos á ÚNICA COMUNIDADE CUNHA REDE DE ALTA VELOCIDADE QUE FUNCIONE SOBRE O FRANQUISTA ANCHO DE VÍA IBÉRICO  entre Ourense, Santiago e A Coruña, cando o resto do estado usa o ancho internacional.  SEREMOS A ÚNICA COMUNIDADE CON VELOCIDADES DE 250KM/H., CANDO O RESTO DA REDE DO ESTADO CIRCULA A 350KM/H.  A nefasta planificación do A.V.E. Galego fará que os galegos teñamos A ÚNICA LIÑA DE ALTA VELOCIDADE DO ESTADO NA QUE SE "ELIMINA" Á ANTIGA VÍA EN LUGAR DE ADICALA AO TRANSPORTE ALTERNATIVO, CERCANÍAS E MERCADORIAS, e dicir, pisan a liña antiga e os galegos NON TEREMOS OUTRA ALTERNATIVA PARA VIAXAR EN TREN, AINDA QUE A MAORÍA DOS GALEGOS NON A POIDA PAGAR OS ELEVADOS PREZOS DOS BILLETES.  Enlaces: http://infraestructurasgalicia.blogspot.com/2010/11/se-consumo-la-tragedia-galicia-tendra.html

        • O SECTOR EDUCATIVO EN GALIZIA .- Os niveis so sistema educativo galego son desastrosos. Un 30% dos estudantes non termina a ESO na idade que lle corresponde, fronte ao 14,8% que lle corresponde a media europea. A contribución da eduación no P.I.B.  é unha das máis baixas dos países da O.C.D.E. (por debaixo do 5%) e a porcentaxe de poboación que ten estudos posobligatorios non chega ao 65%. Está mais que clara a  noxenta utilización da educación e o ensino como ferramenta política, corporativa e partidaria, da banca e a igrexa católica, principais axentes interesados en manter as relacións de poder e de reforzalas. O noso sistema educativo estivo sempre ameazado pola oligarquías e que na actual situación económica, estas alimañas atopan unha oportunidade definitiva para o desmembramento do sistema público e gratuito de ensino. Nota de Prensa : http://www.kaosenlared.net/noticia/para-a-crise-orellas-de-burro. Nota de Prensa: http://www.lavozdegalicia.es/galicia/2009/02/05/0003_7507990.htm?idioma=galego. Nota de Prensa:

        • O SECTOR FORESTAL GALEGO.- Os nosos bosques, os nosos recursos forestais, a nosa riqueza biolóxica e natural, propiedade de tódolos galegos que herdamos dos nosos antergos, son hoxe en día o "XARDÍN PRIVADO DE XOGO" das empresas madereiras como FINSA ou as celulosas como ENCE, empresas altamente contaminantes que non gastan recursos nin para plantar unha sóa árbore, actividade da que se encargan as Institucións Públicas Galegas sostidas cos recursos de tódolos galegos. Un monte azotado polos incendios forestais provocados pola ignoracia, pola plantación masiva de monocultivos de especies non autóctonas a base de  piñeiro e eucalipto, materias primas destas multinacionais, un monte afogado pola falla de inversións e formación neste sector, condicionado polos intereses económicos e políticos alleos os intereses dos habitantes das zonas rurais,  un sector dominado pola baixa rendabilidade dos produtos forestais xerado e o moi baixo retorno económico directo a nosa terra, así coma pola ausencia de políticas a longo prazo de planificación e diversificación, o nulo respecto a ecoloxía e a biodiversidade propia do monte autóctono galego e como non, sen ningúen con capacidade de protesta e reacción pola situación,  dado envellecemento crónico da poboacion rural galega, e a consecuente inercia do abandono das actividades  tradicionais do campo, que por suposto, ten xa un impacto negativo tanto sobre a riqueza productiva , medioambiental e social.  Nota de Prensa : http://www.torresycarrera.com/blog/puestobase/?p=678.  Nota de Prensa: http://www.farodevigo.es/secciones/noticia.jsp?pRef=3268_4_201060__Galicia-desorden-bosques
        • O SECTOR LINGUÍSTICO EN GALIZIA.- Durante os interminables séculos escuros, o noso maior patrimonio cultural intanxible, a lingua galega e as nosas tradicións, sobreviviron centurias grazas á xente do mar e do rural, a pesares dos ataques terribles e agresións sostidas no tempo das oligarquías dominantes. Agora a situación é terminal para a nosa lingua, en poucas décadas a poboación rural galega xa case desapareceu polo envellecemento e o despoboamento, e a falla de xente nova que recolla o reto, coñeza e valore axeitadamente o noso patrimonio, fai que todo a nosa herdanza cultural se dilúa rápidamente coma un terrón de azucre. A maioría dos nenos viven nas cidades e xa non falan en galego na vida diaria,  a maioría dos fillos dos emigrantes retornados tampouco falan en galego e ainda persiste na sociedade galega a "vergoña" do "paleto" de pobo que emigra a "capital " e que "fala galego", así como nos pais, nais, avós e avóas do século XXI que amosan un rexeitamento frontal a que os seus fillos e netos aprendan e estuden en galego, preferindo o inglés ou o castelán, porque o idioma galego é sinómino de "carente de valor algún", de "atraso", de "perda de tempo", de "inutilidade", facendo noso ese sentimento secular de desprezo e odio interior cara a todo o que sono a "galego" . Falar, pensar, e escribir no idioma de Castelao, de Rosalía, e de Afonso X o sabio, sempre foi mal visto e duramente castigado polas oligarquías e as dictaduras; a todas luces, foi e segue sendo unha GUERRA ABERTA contra o "galego de a pé", a "súa cultura", "a súa lingua" e as súas "tradicións", este  "ODIO SECULAR AO IDIOMA GALEGO", é un problema psicolinguístico de moi difícil de solución. Un informe da O.N.U. dí que o 90% das linguas desaparecerá do planeta nos próximos 100 anos, coido que en Galizia, o noso idioma galego será unha desas linguas perdidas. Hoxe en día, no ano 2011 do século XXI,  as "AGRESIÓNS A NOSA LINGUA CONTINÚAN SUCEDÉNDOSE IMPUNEMENTE",  igual que en épocas pasadas seguen tendo a súa orixe nas mesmas oligarquías dominantes disfrazadas de legalidade democrática, pero que na realidade nen siquera teñen en conta leis e mandatos constitucionais que lles obrigan a defender e protexer a nosa lingua, e que din :  C.E. 1978 Título Prelim. Art.3.3: " A riqueza lingüística Galega é un patrimonio cultural que será obxecto de especial respeto e protección". E.G. 1981 Título Prelim. Art.1.2.: "A Comunidade Autónoma, a través de institucións democráticas, asume como tarea principal a defensa da identidade de Galizia e dos seus intereses ......" e Art.5.1.: "A lingua propia de Galizia é o Galego". L.N.L.1983 Título Prelim. "Un dos factores fundamentais desa recuperación é a lingua, por se-lo núcleo vital da nosa identidade. A lingua é a maior e máis orixinal creación colectiva dos galegos, é a verdadeira forza espiritual que lle dá unidade interna á nosa comunidade. Únenos co pasado do noso pobo, porque del a recibimos como patrimonio vivo, e uniranos co seu futuro, porque a recibirá de nós como legado da identidade común". L.N.L.1983 Art.1: "O galego é a lingua propia de Galizia" e Art.12.1. " O galego, como lingua propia de Galicia, é tamén lingua oficial no ensino en tódolos niveis educativos.". A Real Academia Galega da Lingua Galega ve "INACEPTABLE" e "INCOSISTENTE LEGALMENTE" o decreto en contra do idioma galego, porque "DESPROTEXE AO IDIOMA GALEGO", "COARTA DEREITOS E PERXUDICA" aos seus Falantes, A NÓS, OS GALEGOS......            






            Publicado por en

            No hay comentarios:

            Publicar un comentario

            Nota: solo los miembros de este blog pueden publicar comentarios.

            Suscribirse a: Enviar comentarios (Atom)